ခြေသလုံးတုတ်နေတာကို ရက်အနည်းငယ်အတွင်းသွယ်လျသွားစေမယ့်လေ့ကျင့်ခန်း(၆)မျိုး

သွယ်လျတဲ့ခြေတံလေးတွေက မိန်းကလေးတစ်ယောက်ရဲ့အလှအပကို ပိုလှအောင်ပံ့ပိုးပေးနိုင်ပြီး စကတ်ပဲဝတ်ဝတ်၊ ဘောင်းဘီပဲဝတ်ဝတ် အမြဲကြည့်ကောင်းနေစေပါတယ်။ ခြေသလုံးတုတ်နေတဲ့အခါ ဘာဝတ်ဝတ်မလှဘူးလို့ထင်နေနိုင်ပြီး ကိုယ့်ကိုယ်ကိုယုံကြည်မှုလျော့နည်းနိုင်ပါတယ်။ ခြေသလုံးတုတ်နေလို့ဆိုပြီး ကိုယ့်ကိုယ်ကို ယုံကြည်မှုမလျော့နည်းရအောင် ၊ သွယ်လျတဲ့ခြေတံလှလှလေးတွေရဖို့ အခုဖော်ပြမယ့် လေ့ကျင့်ခန်းလေးတွေ လုပ်လိုက်ပါ။

(၁) ခြေဖျားထောက်လမ်းလျှောက်ခြင်း

depositphotos
ခြေဖျားထောက်ပြီး လမ်းလျှောက်တာက ခြေသလုံးကိုသွယ်လျစေပါတယ်။ ခြေဖျားထောက်လမ်းလျှောက်တာကို တစ်မိနစ်လောက်လုပ်ပြီး တစ်မိနစ်လောက်နားပါ။ အဲ့ဒါကို ငါးခေါက်လောက်လုပ်ပေးပါ။

(၂) အလေးတုံးကိုင်ပြီးခြေဖျားထောက်ခြင်း

လက်နှစ်ဖက်က အလေးတုံး ဒါမှမဟုတ် အလေးချိန်ပါတဲ့ပစ္စည်းလေးတွေကို လက်ကကိုင်ပြီး နေရာမှာခြေစုံရပ်ကာ ခြေထောက်နှစ်ဖက်တပြိုင်တည်း ခြေဖျားထောက်ပေးပါ။ အဲ့ဒီအနေအထားမှာ စက္ကန့်အနည်းငယ်လောက်နေပြီး ခြေထောက်ကိုပြန်ချပါ။ အဲ့ဒါကို ၁၀ ကြိမ်လုပ်ပေးပါ။

(၃) လှေကားပေါ်ပြေးတက်ခြင်း

deposit photos
လှေကားထစ် ၁၅ ထစ်လောက်ကို ဆက်တိုက်ပြေးတက်၊ပြေးဆင်းတာကို မိနစ်အနည်းငယ်လောက်လုပ်ပေးပါ။ ဒါကလည်း ခြေသလုံးတွေကို သွယ်လျစေပါတယ်။

(၄) အလေးတုံးကိုင်ပြီးလမ်းလျှောက်ခြင်း

အလေးတုံး ဒါမှမဟုတ် အလေးချိန်ပါတဲ့ပစ္စည်းတွေကို လက်နှစ်ဖက်ကကိုင်ပြီး ၁၀မိနစ်လောက်လမ်းလျှောက်ပါ။ ဒါက ထိရောက်တဲ့လေ့ကျင့်ခန်းတစ်ခုဖြစ်တာကြောင့် နေ့စဉ်မပျက်မကွက်လုပ်ရင် ခြေသလုံးလေးတွေ လုံးဝကိုသွယ်လျသွားပါလိမ့်မယ်။

(၅) ကြိုးခုန်ခြင်း

ကြိုးခုန်တာက ခြေသလုံးကိုသွယ်လျစေရုံတင်မက လက်မောင်းအဆီတွေကိုလည်း ကျစေပါတယ်။ ဒါကြောင့် နေ့တိုင်း မိနစ် ၂၀ လောက် ကြိုးလည်းခုန်ပေးပါ။

(၆) အကြောလျှော့ခြင်း

freepik
အကြောလျှော့ပေးတာက ကိုယ်လုပ်ထားတဲ့ လေ့ကျင့်ခန်းတွေကိုအကျိုးထိရောက်မှုပိုဖြစ်စေတာကြောင့် လေ့ကျင့်ခန်းတွေမလုပ်ခင်နဲ့ လုပ်ပြီးတိုင်းမှာ မိနစ်အနည်းငယ်လောက် အကြောလျှော့ပေးပါ။

written by PP

========================