၂၀၂၀-ခု ၊(၇)လပိုင်း တနင်္ဂနွေသားသမိးများအတွက် ကံကြမ္မာဟောစာတမ်း

တနင်္ဂနွေ သားသမီးများအတွက်

ဒီလအတွင်းမှာ သင်၏ ရည်ရွယ်ချက်များ ရည်မှန်းချက်များ ပြည့်ဝ အောင်မြင်မည့် အချိန် ဖြစ်တယ်။ ပြောရရင်တော့ လိုအင်ဆန္ဒတွေ ပြည့်စုံနိုင်တာပေါ့။

ခြံကိစ္စ ၊ ကားကိစ္စ ၊ ကျောက်ကိစ္စ ၊ ငွေကြေးကိစ္စတွေ ပြောဆို အောင်မြင်တတ်ပါတယ် …။

ဝယ်ဖို့ရည်ရွယ်ရင်လည်း ဝယ်ဖြစ်တတ်ပါတယ်။

မိတ်ဆွေသင်္ဂဟများကလည်း ကိုယ်ဆီကိုလာပြီး အလုပ်စီးပွားများ တွဲဖက် လုပ်ကိုင်ဖို့ စီစဉ်မည်။

ကိုယ်ကလည်း အလို ပြည့်စုံမည်။ ကိုယ့်မှာရှိတဲ့ လက်ဝတ်တန်ဆာ ရွှေတွေကိုတော့ သတိထားပါ။ ကျပျောက်တတ်ပါတယ် …။

ကိုယ်စီးနေတဲ့ ယဉ်တွေကတော့ အပျက်အစီးလေးတွေ များတတ်တဲ့ ကာလဖြစ်ပါတယ်။

ငွေတွေကလည်း အစုလိုက် အပြုံလိုက် ဝင်လိမ့်မည်။ အင်မတန် လာဘ်ရွှင်မယ့် အချိန်ကာလပါပဲ။

ထီတွေဘာတွေ ကံစမ်းတာတောင် မဟုတ်ဘူး။ သေသေချာချာ ထိုးထားသင့်ပါတယ် …။

လူမျိုးခြား ဘာသာခြား နိုင်ငံခြားသားများနှင့် ပူးတွဲပေါင်းစပ် အကျိုးပေးမည်။

ထီးတစ်လက် ဒါမှမဟုတ် ဖိနပ်တစ်ရံ လက်ဆောင်ရဖို့ ရှိပါတယ်။

အင်မတန် ကောင်းပါတယ်။ အိမ်တွင်းရေး ပူပင်သောကလေးတွေ ရှိပါတယ်။

ကိုယ့်မိသားစုနှင့် အတိုက်အခံ ပြောဆိုနေရတတ်ပါတယ် …။

အိမ်ကိစ္စ အမွေကိစ္စ ဒီအချိန်မှာ စကားပြောရတတ်တယ်။

မတင်မကျလည်း ဖြစ်တတ်ပါတယ်။ ကိုယ့်မှာ အရွယ်ရောက်ပြီးတဲ့ သားသမီးတွေ ရှိရင် သူတို့အတွက် စိတ်ပူရတတ်ပါတယ်။

လူငယ်တွေအတွက်ကတော့ အချစ်ရေး မေတ္တာရေး အင်မတန် ကောင်းပါတယ်။ လူငယ်တွေ စန်းပွင့်မယ့် အချိန်ကာလပါတယ် …။

ချစ်သူနှင့် စိတ်သဘောထားခြင်း တိုက်ဆိုင်မှု့ ရမယ်။

အိမ်ထောင်ရှိသူတွေ အနေနှင့်ကတော့ အိမ်ထောင်ရေးမှာ ကတောက်ကဆလေးတွေ ဖြစ်တတ်ပါတယ်။

ကျန်းမာရေး အနေနှင့်ကတော့ လေအောင့်တာ ဖြစ်တတ်ပါတယ်။ ဝက်သား ရှောင်ပါ။ အရက်ရှောင်ပါ။ ထီထိုးရင်တော့ (၂-၇-ဝ)ပါအောင် ထိုးပါ …။

ယတြာအနေနှင့်ကတော့ နန်းကြီးသုတ် အလှူဒါနပြုပါ။ ငွေထီး လှူပါ။ တံခွန်လှူပါလေ …။ ။

လေးစားစွာဖြင့်#ပေသီး#

=============

Zawgyi